ਵਿਆਹ ਤੋਂ ਅਗਲੇ ਦਿਨ ਸੁਖਦੇਵ ਸਿੰਘ ਰਾਜ ਵੱਲੋਂ ਬੇਟੇ ਦੇ ਵਿਆਹ ਦੀ ਖੁਸ਼ੀ ਵਿਚ ਇਕ ਸ਼ਾਨਦਾਰ ਰਿਸੈਪਸ਼ਨ ਪਾਰਟੀ ਦਿੱਤੀ ਗਈ। ਲੁਧਿਆਣਾ ਦੇ ਤਾਜ ਰਿਸੋਰਟ ਵਿਖੇ ਕੀਤੀ ਗਈ ਇਸ ਪਾਰਟੀ ਵਿਚ ਮਹਿਮਾਨਾਂ ਵਾਸਤੇ ਬਹੁਤ ਹੀ ਸ਼ਾਨਦਾਰ ਪ੍ਰਬੰਧ ਕੀਤਾ ਗਿਆ। ਖਾਣ-ਪੀਣ ਦੇ ਸਟਾਲ, ਗਰਮਾ-ਗਰਮ ਸਨੈਕਸ, ਪੰਜਾਬੀ ਢਾਬਾ, ਪੀਣ ਦੇ ਲਈ ਕਈ ਤਰ੍ਹਾਂ ਦੇ ਡਰਿੰਕਸ ਦੇ ਨਾਲ ਮਹਿਮਾਨ ਆਪਣੀ ਪਸੰਦ ਦਾ ਖਾਣੇ ਦਾ ਅਨੰਦ ਲੈ ਰਹੇ ਸੀ। ਸ਼ਾਮ ਨੂੰ 8 ਵਜੇ ਸ਼ੁਰੂ ਹੋਈ ਪਾਰਟੀ ਰਾਤ 1 ਵਜੇ ਤੱਕ ਚੱਲਦੀ ਰਹੀ। 8 ਵਜੇ ਹੀ ਮਹਿਮਾਨਾਂ ਦਾ ਆਉਣਾ ਸ਼ੁਰੂ ਹੋ ਗਿਆ ਸੀ। ਸੁਖਦੇਵ ਸਿੰਘ ਰਾਜ ਆਪਣੇ ਪਰਿਵਾਰ ਅਤੇ ਨਵੀਂ ਜੋੜੀ ਨਾਲ 9.30 ਵਜੇ ਦੇ ਕਰੀਬ ਪਹੁੰਚੇ। ਪਟਾਕਿਆਂ ਦੀ ਅਵਾਜ ਅਤੇ ਰੋਸ਼ਨੀ ਨਾਲ ਨਵੀਂ ਜੋੜੀ ਦਾ ਸਵਾਗਤ ਕੀਤਾ ਗਿਆ। ਬੈਂਡ ਬਾਜੇ ਦੇ ਨਾਲ ਨੱਚਦੇ-ਟੱਪਦੇ ਹੋਏ ਸਾਰੇ ਰਿਸੋਰਟ ਵਿਚ ਪਹੁੰਚੇ। ਇਥੇ ਸਟੇਜ ਤੇ ਸਭ ਤੋਂ ਪਹਿਲਾਂ ਨਵੀਂ ਸੁਭਾਗੀ ਜੋੜੀ ਦਾ ਬਹੁਤ ਹੀ ਸ਼ਾਨਦਾਰ ਤਰੀਕੇ ਨਾਲ ਸਵਾਗਤ ਕੀਤਾ ਗਿਆ। ਇਥੇ ਪਾਰਟੀ ਵਿਚ ਸ਼ਾਮਲ ਸਾਰੇ ਮਹਿਮਾਨਾਂ ਨੇ ਸੁਖਦੇਵ ਸਿੰਘ ਰਾਜ ਨੂੰ ਮਿਲ ਕੇ ਵਧਾਈਆਂ ਦਿੱਤੀਆਂ ਅਤੇ ਨਾਲ ਹੀ ਨਵੀਂ ਜੋੜੀ ਦੇ ਨਾਲ ਫੋਟੋ ਖਿਚਵਾ ਕੇ ਉਹਨਾਂ ਨੂੰ ਅਸ਼ੀਰਵਾਦ ਦਿੱਤਾ। ਜਿੱਥੇ ਇਕ ਪਾਸੇ ਖਾਣ-ਪੀਣ ਦਾ ਬਹੁਤ ਵਧੀਆ ਪ੍ਰੋਗਰਾਮ ਚੱਲ ਰਿਹਾ ਸੀ, ਉਥੇ ਦੂਜੇ ਪਾਸੇ ਡੀ.ਜੇ. ਉਪਰ ਡਾਂਸ ਦੇ ਪ੍ਰੋਗਰਾਮ ਨਾਲ ਮਹਿਮਾਨਾਂ ਦਾ ਮਨੋਰੰਜਨ ਕੀਤਾ ਜਾ ਰਿਹਾ ਸੀ। ਥੋੜੀ ਦੇਰ ਬਾਅਦ ਜਸ਼ਨਪ੍ਰੀਤ ਕੌਰ ਦੇ ਮਾਤਾ-ਪਿਤਾ ਆਪਣੇ ਰਿਸ਼ਤੇਦਾਰਾਂ ਨਾਲ ਪਹੁੰਚ ਗਏ। ਐਸ.ਐਸ. ਰਾਜ ਨੇ ਲੜਕੀ ਪਰਿਵਾਰ ਵਾਲਿਆਂ ਦਾ ਸਵਾਗਤ ਕੀਤਾ। ਹੁਣ ਦੋਵੇਂ ਪਰਿਵਾਰਾਂ ਅਤੇ ਨਵੀਂ ਜੋੜੀ ਦੀ ਹਾਜਰੀ ਵਿਚ ਵੱਡੀ ਸਕ੍ਰੀਨ ਉਪਰ ਵਿਆਹ ਤੋਂ ਪਹਿਲਾਂ ਸ਼ੂਟ ਕੀਤੀ ਗਈ ਪ੍ਰੀ-ਵੈਡਿੰਗ ਸ਼ੂਟ ਦਾ ਵੀਡੀਓ ਚਲਾਇਆ ਗਿਆ, ਜਿਸਦਾ ਸਾਰਿਆਂ ਨੇ ਅਨੰਦ ਮਾਣਿਆ। ਹੁਣ ਪਰਿਵਾਰਕ ਮੈਂਬਰ ਵੀ ਡਾਂਸ ਫਲੋਰ ਉਪਰ ਨੱਚਣ-ਗਾਣ ਲੱਗ ਪਏ ਅਤੇ ਖੂਬ ਰੌਣਕਾਂ ਲਗਾਈਆਂ। ਜਦੋਂ ਨਵੀਂ ਜੋੜੀ ਨੇ ਸਟੇਜ ਉਪਰ ਡਾਂਸ ਕਰਨ ਲੱਗੀ ਤਾਂ ਐਸ.ਐਸ. ਰਾਜ ਅਤੇ ਪਰਿਵਾਰਕ ਮੈਂਬਰਾਂ ਨੇ ਨਵੀਂ ਜੋੜੀ ਉਪਰੋਂ ਨੋਟਾਂ ਦਾ ਮੀਂਹ ਬਰਸਾ ਦਿੱਤਾ।
ਰਿਸੈਪਸ਼ਨ ਵਿਚ ਸ਼ਾਮਲ ਹੋਈਆਂ ਰਾਜਨੀਤਿਕ ਅਤੇ ਸਮਾਜਿਕ ਸ਼ਖਸ਼ੀਅਤਾਂ – ਸ਼੍ਰੀ ਸੁਖਦੇਵ ਸਿੰਘ ਰਾਜ ਨਾਲ ਖੁਸ਼ੀ ਸਾਂਝੀ ਕਰਨ ਅਤੇ ਨਵੀਂ ਜੋੜੀ ਨੂੰ ਅਸ਼ੀਰਵਾਦ ਦੇਣ ਲਈ ਰਿਸੈਪਸ਼ਨ ਪਾਰਟੀ ਦੇ ਮੌਕੇ ਬਹੁਤ ਸਾਰੀਆਂ ਰਾਜਨੀਤਿਕ, ਸਮਾਜਿਕ ਅਤੇ ਬਿਜ਼ਨਸ ਦੀਆਂ ਮਸ਼ਹੂਰ ਸ਼ਖਸ਼ੀਅਤਾਂ ਸ਼ਾਮਲ ਹੋਈਆਂ। ਇਹਨਾਂ ਵਿਚੋਂ ਇਲਾਕੇ ਦੇ ਐਮ.ਐਲ.ਏ. ਕੁਲਵੰਤ ਸਿੰਘ ਸਿੱਧੂ, ਭਾਜਪਾ ਦੇ ਜਿਲਾ ਪ੍ਰਧਾਨ ਰਜਨੀਸ਼ ਧੀਮਾਨ, ਓ.ਬੀ.ਸੀ. ਮੋਰਚਾ ਭਾਜਪਾ ਦੇ ਮੀਤ ਪ੍ਰਧਾਨ ਨਿਰਮਲ ਸਿੰਘ ਐਸ.ਐਸ., ਅਕਾਲੀ ਦਲ ਦੇ ਸੀਨੀਅਰ ਨੇਤਾ ਐਡਵੋਕੇਟ ਹਰੀਸ਼ ਰਾਏ ਢਾਂਡਾ, ਜਿਲਾ ਪਲਾਨਿੰਗ ਬੋਰਡ ਦੇ ਸਾਬਕਾ ਚੇਅਰਮੈਨ ਜਗਵੀਰ ਸਿੰਘ ਸੋਖੀ, ਇਲਾਕੇ ਦੇ ਕੋਂਸਲਰ ਇੰਦਰਜੀਤ ਸਿੰਘ ਲੋਟੇ (ਰੂਬੀ) ਤੋਂ ਅਲਾਵਾ ਵੱਖ ਵੱਖ ਇੰਡਸਟ੍ਰੀਜ਼ ਦੇ ਮਾਲਕਾਂ ਨੇ ਸ਼ਾਮਲ ਹੋ ਕੇ ਨਵੀਂ ਜੋੜੀ ਨੂੰ ਅਸ਼ੀਰਵਾਦ ਦਿੱਤਾ। ਇਹਨਾਂ ਤੋਂ ਅਲਾਵਾ ਹਰੀਕੇ ਦੇ ਮਸ਼ਹੂਰ ਠੇਕੇਦਾਰ ਕਾਬਲ ਸਿੰਘ, ਗੁਰਮੇਜ ਸਿੰਘ, ਅਮਰੀਕ ਸਿੰਘ, ਚੋਹਲਾ ਸਾਹਿਬ ਤੋਂ ਅਜੀਤ ਦੇ ਪੱਤਰਕਾਰ ਬਲਵਿੰਦਰ ਸਿੰਘ ਚੋਹਲਾ, ਕਸ਼ਯਪ ਕ੍ਰਾਂਤੀ ਪੱਤ੍ਰਿਕਾ ਦੇ ਮੁੱਖ ਸੰਪਾਦਕੀ ਸ਼੍ਰੀਮਤੀ ਮੀਨਾਕਸ਼ੀ ਕਸ਼ਯਪ, ਪਹਿਚਾਨ ਵੈਬਸਾਈਟ ਦੇ ਮਾਲਕ ਨਰਿੰਦਰ ਕਸ਼ਯਪ, ਮਸ਼ਹੂਰ ਪੰਨਾ ਸਿੰਘ ਪਕੌੜੇ ਵਾਲੇ ਦੇ ਮਾਲਕ ਬਲਦੇਵ ਰਾਜ ਪੰਨਾ ਆਦਿ ਸੁਖਦੇਵ ਸਿੰਘ ਰਾਜ ਦੀ ਖੁਸ਼ੀ ਵਿਚ ਸ਼ਾਮਲ ਹੋਏ ਅਤੇ ਨਵੀਂ ਜੋੜੀ ਨੂੁੰ ਨਵੀਂ ਜਿੰਦਗੀ ਦੀ ਸ਼ੁਰੂਆਤ ਲਈ ਅਸ਼ੀਰਵਾਦ ਦਿੱਤਾ।