11th Kashyap Rajput Parivar Sammelan (16-4-2017) Red Cross Bhawan, Jalandhar.
ਜਲੰਧਰ, 16-4-2017 (ਰਾਹੁਲ ਕੁਮਾਰ, ਲੱਕੀ ਸੰਸੋਆ) – ਕਸ਼ਯਪ ਸਮਾਜ ਵਾਸਤੇ ਉਹ ਦਿਨ ਬਹੁਤ ਹੀ ਖੁਸ਼ੀਆਂ ਵਾਲਾ ਹੁੰਦਾ ਹੈ ਜਦੋਂ ਸਮਾਜ ਦੇ ਕਈ ਪਰਿਵਾਰ ਆਪਸ ‘ਚ ਮਿਲਦੇ ਹਨ, ਆਪਣੇ ਵਿਚਾਰ ਸਾਂਝੇ ਕਰਦੇ ਹਨ ਅਤੇ ਸਮਾਜ ਦੀ ਤਰੱਕੀ ਬਾਰੇ ਗੱਲਬਾਤ ਕਰਦੇ ਹਨ. ਇਹੋ ਸੁਭਾਗਾ ਮੌਕਾ ਕਸ਼ਯਪ ਰਾਜਪੂਤ ਮੈਂਬਰਸ ਐਸੋਸੀਏਸ਼ਨ ਅਤੇ ਕਸ਼ਯਪ ਕ੍ਰਾਂਤੀ ਪੱਤ੍ਰਿਕਾ ਵੱਲੋਂ 16 ਅਪ੍ਰੈਲ 2017 ਨੂੰ ਸਮਾਜ ਨੂੰ ਦਿੱਤਾ ਗਿਆ ਜਦੋਂ ਇਸ ਟੀਮ ਵੱਲੋਂ ਕਸ਼ਯਪ ਸਮਾਜ ਦੇ ਪਰਿਵਾਰਾਂ ਨੂੰ ਆਪਸ ‘ਚ ਮਿਲਾਉਣ ਲਈ 11 ਵਾਂ ਪਰਿਵਾਰ ਸੰਮੇਲਨ ਆਯੋਜਿਤ ਕੀਤਾ ਗਿਆ. ਜਲੰਧਰ ਸ਼ਹਿਰ ਦਾ ਰੈਡ ਕਰਾਸ ਭਵਨ ਕਸ਼ਯਪ ਸਮਾਜ ਦੇ ਸਿਤਾਰਿਆਂ ਨਾਲ ਜਗਮਗਾ ਰਿਹਾ ਸੀ. ਪੰਜਾਬ ਦੇ ਵੱਖ-ਵੱਖ ਸ਼ਹਿਰਾਂ, ਜੰਮੂ-ਕਸ਼ਮੀਰ, ਹਰਿਆਣਾ, ਦਿੱਲੀ, ਉਤਰ ਪ੍ਰਦੇਸ਼ ਤੋਂ ਸਮਾਜ ਦੇ ਬਹੁਤ ਹੀ ਵਧੀਆ ਪਰਿਵਾਰ ਇਸ ਸੰਮੇਲਨ ਦੀ ਰੌਣਕ ਵਧਾ ਰਹੇ ਸਨ. ਇਸ ਵਿਚ ਹੋਰ ਚਾਰ ਚੰਦ ਲਗਾਉਣ ਲਈ ਸ਼੍ਰੀ ਸੁਖਦੇਵ ਕੋਮਲ ਜੀ ਇੰਗਲੈਂਡ ਤੋਂ ਵਿਸ਼ੇਸ਼ ਤੌਰ ‘ਤੇ ਸ਼ਾਮਲ ਹੋਏ.
![](https://www.kashyaprajput.com/wp-content/uploads/2021/01/T-1024x407.jpg)
ਪ੍ਰੋਗਰਾਮ ਦੀ ਸ਼ੁਰੂਆਤ – ਸਵੇਰੇ 10 ਵਜੇ ਹੀ ਪਰਿਵਾਰਾਂ ਦਾ ਆਉਣਾ ਸ਼ੁਰੂ ਹੋ ਗਿਆ. ਸਭ ਤੋਂ ਪਹਿਲਾਂ ਮਾਨਸਾ ਤੋਂ ਸੀਨੀਅਰ ਬੈਂਕ ਮੈਨੇਜਰ ਸ. ਰਵੇਲ ਸਿੰਘ ਜੀ ਆਪਣੇ ਪਰਿਵਾਰ ਸਮੇਤ ਪਹੁੰਚੇ. ਥੋੜੀ ਦੇਰ ਬਾਅਦ ਹੀ ਸੰਮੇਲਨ ਦੇ ਮੁੱਖ ਮਹਿਮਾਨ ਸ਼੍ਰੀ ਓਮ ਭਾਰਦਵਾਜ ਜੀ ਵੀ ਕਰਨਾਲ ਤੋਂ ਪਰਿਵਾਰ ਸਮੇਤ ਪਹੁੰਚ ਗਏ. ਕਸ਼ਯਪ ਕ੍ਰਾਂਤੀ ਦੀ ਟੀਮ ਨੇ ਉਹਨਾਂ ਦਾ ਸਵਾਗਤ ਕੀਤਾ. ਕਰਮਾ ਅਤੇ ਕਸ਼ਯਪ ਕ੍ਰਾਂਤੀ ਦੀ ਟੀਮ ਸਵੇਰ ਤੋਂ ਹੀ ਸਾਰੀ ਤਿਆਰੀਆਂ ਕਰ ਰਹੀ ਸੀ. ਪੂਰੀ ਟੀਮ ਨੇ ਮੁੱਖ ਮਹਿਮਾਨ ਦੇ ਨਾਲ ਹੀ ਨਾਸ਼ਤਾ ਕੀਤਾ. ਇਸ ਦੌਰਾਨ ਪਰਿਵਾਰਾਂ ਦਾ ਆਉਣਾ ਹੁੰਦਾ ਰਿਹਾ ਅਤੇ ਹਾਲ ਭਰਦਾ ਰਿਹਾ. ਸਭ ਤੋਂ ਪਹਿਲਾਂ ਕਰਮਾ ਦੇ ਪ੍ਰਧਾਨ ਪ੍ਰਿੰਸੀਪਲ ਕੁਲਵੀਰ ਚੰਦ ਨੇ ਮੁੱਖ ਮਹਿਮਾਨ ਸ਼੍ਰੀ ਓਮ ਭਾਰਦਵਾਜ ਦਾ ਸਟੇਜ ਉਪਰ ਫੁੱਲਾਂ ਨਾਲ ਸਵਾਗਤ ਕੀਤਾ. ਇਸਦੇ ਨਾਲ ਹੀ ਉਤਰ ਪ੍ਰਦੇਸ਼ ਤੋਂ ਸਾਬਕਾ ਮੰਤਰੀ ਸ਼੍ਰੀ ਕਿਰਨਪਾਲ ਕਸ਼ਯਪ ਵੀ ਪਹੁੰਚ ਗਏ ਅਤੇ ਟੀਮ ਨੇ ਉਹਨਾਂ ਦਾ ਵੀ ਸਵਾਗਤ ਕੀਤਾ. ਸਾਰੇ ਮਹਿਮਾਨਾਂ ਨੇ ਮਿਲ ਕੇ ਜਯੋਤੀ ਪ੍ਰਜਵਲਿਤ ਕਰਕੇ ਰਸਮੀ ਤੌਰ ‘ਤੇ 11 ਵੇਂ ਪਰਿਵਾਰ ਸੰਮੇਲਨ ਦੀ ਸ਼ੁਰੂਆਤ ਕੀਤੀ. ਜਯੋਤੀ ਪ੍ਰਜਵਲਿਤ ਹੋਣ ਦੇ ਨਾਲ ਹੀ ਬੇਬੀ ਸ਼ਿਰੀਨ ਨੇ ਸਰਸਵਤੀ ਵੰਦਨਾ ਉਪਰ ਬਹੁਤ ਹੀ ਸੁੰਦਰ ਡਾਂਸ ਪੇਸ਼ ਕੀਤਾ. ਇਸ ਦੌਰਾਨ ਕਸ਼ਯਪ ਕ੍ਰਾਂਤੀ ਦੇ ਪ੍ਰਮੁੱਖ ਸ਼੍ਰੀ ਨਰਿੰਦਰ ਕਸ਼ਯਪ ਨੇ ਸਾਰੇ ਆਏ ਹੋਏ ਮਹਿਮਾਨਾਂ ਨੂੰ ਜੀ ਆਇਆਂ ਆਖਿਆ ਅਤੇ ਅਗਲੀ ਕਾਰਵਾਈ ਲਈ ਸਟੇਜ ਸਕੱਤਰ ਸ਼੍ਰੀ ਅਸ਼ੋਕ ਟਾਂਡੀ ਨੂੰ ਸਟੇਜ ਸੰਭਾਲ ਦਿੱਤੀ. ਅਸ਼ੋਕ ਟਾਂਡੀ ਜੀ ਨੇ ਸਾਰੇ ਮਹਿਮਾਨਾਂ ਦਾ ਸਵਾਗਤ ਕੀਤਾ ਅਤੇ ਕਰਮਾ ਦੀ ਟੀਮ ਦੇ ਹਰੇਕ ਮੈਂਬਰ ਬਾਰੇ ਵਿਸਥਾਰ ਨਾਲ ਜਾਣਕਾਰੀ ਦੱਸੀ. ਇਸਦੇ ਨਾਲ ਹੀ ਉਹਨਾਂ ਆਉਣ ਵਾਲੇ ਮੁੱਖ ਮਹਿਮਾਨ ਅਤੇ ਵਿਸ਼ੇਸ਼ ਮਹਿਮਾਨਾਂ ਦੇ ਬਾਰੇ ਵੀ ਪੂਰੀ ਜਾਣਕਾਰੀ ਨਾਲ ਸਮਾਜ ਦੇ ਪਰਿਵਾਰਾਂ ਨੂੰ ਜਾਣੂ ਕਰਵਾਇਆ. ਇਹਨਾਂ ਦੇ ਨਾਲ ਹੀ ਪ੍ਰੋ. ਰ.ਲ.ਬੱਲ ਵੀ ਸਟੇਜ ਨੂੰ ਸੰਭਾਲਣ ਦੀ ਜਿੰਮੇਵਾਰੀ ‘ਚ ਟਾਂਡੀ ਜੀ ਦਾ ਸਾਥ ਦੇ ਰਹੇ ਸਨ. ਇਕ ਇਕ ਕਰਕੇ ਪਰਿਵਾਰਾਂ ਨੂੰ ਵੀ ਸਟੇਜ ਉਪਰ ਬੁਲਾ ਕੇ ਉਹਨਾਂ ਦੀ ਜਾਣ-ਪਛਾਣ ਬਾਕੀ ਪਰਿਵਾਰਾਂ ਨਾਲ ਕਰਵਾਉਣੀ ਸ਼ੁਰੂ ਕੀਤੀ ਗਈ. ਬਹੁਤ ਸਾਰੇ ਪਰਿਵਾਰਾਂ ਨੇ ਸਟੇਜ ‘ਤੇ ਆ ਕੇ ਆਪਣੇ ਪਰਿਵਾਰ ਬਾਰੇ ਦੱਸਿਆ ਜਿਸਦਾ ਬਾਕੀ ਪਰਿਵਾਰਾਂ ਨੇ ਖੁੱਲੇ ਦਿਲ ਨਾਲ ਸਵਾਗਤ ਕੀਤਾ.
ਵਿਸ਼ੇਸ਼ ਮਹਿਮਾਨਾਂ ਦਾ ਆਉਣਾ ਅਤੇ ਸਵਾਗਤ – 11 ਵੇਂ ਪਰਿਵਾਰ ਸੰਮੇਲਨ ਦੌਰਾਨ ਮੁੱਖ ਮਹਿਮਾਨ ਸ਼੍ਰੀ ਸੁਖਦੇਵ ਕੋਮਲ (ਸੁਖਦੇਵ ਕੈਟਰਿੰਗ ਸਰਵਿਸਿਜ਼ ਲਿ. ਯੂ.ਕੇ.) ਵਿਸ਼ੇਸ਼ ਤੌਰ ‘ਤੇ ਸੰਮੇਲਨ ‘ਚ ਸ਼ਾਮਲ ਹੋਣ ਲਈ ਆਏ ਸਨ ਅਤੇ ਪਰਿਵਾਰ ਸਮੇਤ ਸੰਮੇਲਨ ‘ਚ ਪਹੁੰਚੇ. ਇਹਨਾਂ ਦੇ ਨਾਲ ਹੀ ਸ਼੍ਰੀ ਓਮ ਭਾਰਦਵਾਜ ਜੀ ਪਹਿਲਾਂ ਹੀ ਪਹੁੰਚ ਚੁੱਕੇ ਸਨ. ਕਰਮਾ ਦੀ ਟੀਮ ਅਤੇ ਵਿਸ਼ੇਸ਼ ਮਹਿਮਾਨਾਂ ਨੇ ਸ਼੍ਰੀ ਸੁਖਦੇਵ ਕੋਮਲ ਦਾ ਫੁੱਲਾਂ ਦੀ ਮਾਲਾ ਅਤੇ ਬੁੱਕੇ ਨਾਲ ਸਵਾਗਤ ਕੀਤਾ. ਸਟੇਜ ਸਕੱਤਰ ਅਸ਼ੋਕ ਟਾਂਡੀ ਅਤੇ ਰ.ਲ.ਬੱਲ ਜੀ ਵਿਸ਼ੇਸ਼ ਮਹਿਮਾਨਾਂ ਬਾਰੇ ਪੂਰੀ ਜਾਣਕਾਰੀ ਸਮਾਜ ਨੂੰ ਦੇ ਰਹੇ ਸਨ ਅਤੇ ਵੱਡੀ ਸਕਰੀਨ ਉਪਰ ਇਹਨਾਂ ਨਾਲ ਸੰਬੰਧਤ ਪਿਛਲੇ ਪਰਿਵਾਰ ਸੰਮੇਲਨਾਂ ਦੀਆਂ ਝਲਕੀਆਂ ਵੀ ਦਿਖਾਈ ਦੇ ਰਹੀਆਂ ਸਨ. ਹੁਣ ਮੰਚ ਉਪਰ ਦੋਵੇਂ ਮੁੱਖ ਮਹਿਮਾਨ ਸ਼੍ਰੀ ਸੁਖਦੇਵ ਕੋਮਲ ਅਤੇ ਸ਼੍ਰੀ ਓਮ ਭਾਰਦਵਾਜ ਜੀ ਵਿਰਾਜਮਾਨ ਸਨ. ਇਹਨਾਂ ਦੇ ਨਾਲ ਹੀ ਵਿਸ਼ੇਸ਼ ਮਹਿਮਾਨ ਸ਼੍ਰੀ ਬਲਦੇਵ ਰਾਜ ਜੀ ਪੰਨਾ ਪਕੌੜੇ ਵਾਲੇ, ਪੰਜਾਬ ਕਸ਼ਯਪ ਰਾਜਪੂਤ ਸਭਾ ਦੇ ਸਾਬਕਾ ਪ੍ਰਧਾਨ ਸ਼੍ਰੀ ਦੇਵ ਰਾਜ ਮਾਲੜਾ, ਸ਼੍ਰੀ ਕਿਰਨਪਾਲ ਕਸ਼ਯਪ, ਸ. ਨਿਰਮਲ ਸਿੰਘ ਐਸ.ਐਸ., ਸ਼੍ਰੀ ਸਤਪਾਲ ਮਹਿਰਾ ਕਪੂਰਥਲਾ, ਚੰਡੀਗੜ੍ਹ ਕਸ਼ਯਪ ਰਾਜਪੂਤ ਸਭਾ ਦੇ ਪ੍ਰਧਾਨ ਸ਼੍ਰੀ ਐਨ.ਆਰ. ਮਹਿਰਾ ਅਤੇ ਅਮਰ ਸ਼ਹੀਦ ਬਾਬਾ ਮੋਤੀ ਰਾਮ ਮਹਿਰਾ ਚੈਰੀਟੇਬਲ ਟਰਸਟ ਤੋਂ 31 ਮੈਂਬਰੀ ਕਮੇਟੀ ਦੇ ਕਨਵੀਨਰ ਸ. ਪ੍ਰਸ਼ੋਤਮ ਸਿੰਘ ਜੀ ਸਟੇਜ ਦੀ ਸ਼ੋਭਾ ਵਧਾ ਰਹੇ ਸਨ. ਉਹਨਾਂ ਦੇ ਨਾਲ ਕਰਮਾ ਦੀ ਟੀਮ ਤੋਂ ਪ੍ਰਿੰਸੀਪਲ ਕੁਲਵੀਰ ਚੰਦ, ਸ਼੍ਰੀ ਸੁਸ਼ੀਲ ਕਸ਼ਯਪ, ਵਿਜੇ ਕੁਮਾਰ, ਜਗਦੀਸ਼ ਸਿੰਘ ਲਾਟੀ, ਅਮਰੀਕ ਸਿੰਘ ਮੰਨੀ, ਜਗਦੀਪ ਕੁਮਾਰ ਬੱਬੂ, ਸੁਭਾਸ਼ ਚੰਦਰ ਜਗਰਾਉਂ, ਕਸ਼ਮੀਰ ਸਿੰਘ ਨੀਲਾ ਅੰਮ੍ਰਿਤਸਰ, ਕਮਲਜੀਤ ਸਿੰਘ ਭੋਗਪੁਰ, ਕਸ਼ਯਪ ਕ੍ਰਾਂਤੀ ਦੇ ਪ੍ਰਮੁੱਖ ਅਤੇ ਕਰਮਾ ਦੇ ਸੰਯੋਜਕ ਸ਼੍ਰੀ ਨਰਿੰਦਰ ਕਸ਼ਯਪ ਜੀ ਵਿਰਾਜਮਾਨ ਸਨ.
![](https://www.kashyaprajput.com/wp-content/uploads/2021/01/32.jpg)
Prof. RL Bal
![](https://www.kashyaprajput.com/wp-content/uploads/2021/01/31.jpg)
Sh. Ashok Tandi
![](https://www.kashyaprajput.com/wp-content/uploads/2021/01/DSC_5263-2.jpg)
Welcome of Sh. Om Bhardwaj
![](https://www.kashyaprajput.com/wp-content/uploads/2021/01/10.jpg)
Welcome of Sh. Kiranpal Kashyap
![](https://www.kashyaprajput.com/wp-content/uploads/2021/01/12.jpg)
Welcome of Sh. Sukhdev Komal
![](https://www.kashyaprajput.com/wp-content/uploads/2021/01/11.jpg)
Sh. Sukhdev Komal With Principal Kulvir Chand
![](https://www.kashyaprajput.com/wp-content/uploads/2021/01/6.jpg)
Jyoti Prajvalit
![](https://www.kashyaprajput.com/wp-content/uploads/2021/01/5.jpg)
Jyoti Prajvalit
![](https://www.kashyaprajput.com/wp-content/uploads/2021/01/7.jpg)
Jyoti Prajvalit
![](https://www.kashyaprajput.com/wp-content/uploads/2021/01/8.jpg)
Performance on Sarsvati Vandna by Shirin
ਪਰਿਵਾਰਾਂ ਦੀ ਜਾਣਕਾਰੀ – ਸੰਮੇਲਨ ‘ਚ ਬਹੁਤ ਸਾਰੇ ਪਰਿਵਾਰਾਂ ਨੂੰ ਸਟੇਜ ਉਪਰ ਬੁਲਾ ਕੇ ਉਹਨਾਂ ਬਾਰੇ ਜਾਣਕਾਰੀ ਸਮਾਜ ਨਾਲ ਸਾਂਝੀ ਕੀਤੀ ਗਈ. ਵੱਖ-ਵੱਖ ਸ਼ਹਿਰਾਂ ਤੋਂ ਆਏ ਹੋਏ ਪਰਿਵਾਰਾਂ ਨੇ ਆਪਣੇ ਪਰਿਵਾਰ ਬਾਰੇ, ਆਪਣੇ ਬਿਜ਼ਨਸ ਜਾਂ ਕੰਮ ਬਾਰੇ ਅਤੇ ਆਪਣੇ ਬੱਚਿਆਂ ਬਾਰੇ ਜਾਣਕਾਰੀ ਦੱਸੀ. ਇਸ ਨਾਲ ਦੂਜੇ ਪਰਿਵਾਰਾਂ ਨੂੰ ਵੀ ਆਪਣੇ ਇਹਨਾਂ ਪਰਿਵਾਰਾਂ ਬਾਰੇ ਜਾਣਨ ਦਾ ਮੌਕਾ ਮਿਲਿਆ. ਬਹੁਤ ਸਾਰੇ ਪਰਿਵਾਰਾਂ ਨੇ ਆਪਣੇ ਬੱਚਿਆਂ ਦੇ ਲਈ ਰਿਸ਼ਤੇ ਬਾਰੇ ਵੀ ਕਿਹਾ ਅਤੇ ਕਈ ਪਰਿਵਾਰਾਂ ਦੀ ਆਪਸੀ ਗੱਲਬਾਤ ਵੀ ਹੋਈ. ਬਹੁਤ ਸਾਰੇ ਰਿਸ਼ਤਿਆਂ ਬਾਰੇ ਅੱਗੇ ਗੱਲ ਚਲੀ. ਇਸਦੇ ਨਾਲ ਹੀ ਬਹੁਤ ਸਾਰੀਆਂ ਸੰਸਥਾਵਾਂ ਦੇ ਅਹੁਦੇਦਾਰ ਵੀ ਆਪਣੇ ਪਰਿਵਾਰ ਸਮੇਤ ਆਏ ਹੋਏ ਸਨ ਅਤੇ ਉਹਨਾਂ ਦੀ ਵੀ ਜਾਣ-ਪਛਾਣ ਕਰਵਾਈ ਗਈ.
![](https://www.kashyaprajput.com/wp-content/uploads/2021/01/14.jpg)
Family Introduction
![](https://www.kashyaprajput.com/wp-content/uploads/2021/01/15.jpg)
Family Introduction
![](https://www.kashyaprajput.com/wp-content/uploads/2021/01/IMG_8795.jpg)
Family Introduction
![](https://www.kashyaprajput.com/wp-content/uploads/2021/01/18.jpg)
Family Introduction
![](https://www.kashyaprajput.com/wp-content/uploads/2021/01/17.jpg)
Family Introduction
ਬੱਚਿਆਂ ਦਾ ਪ੍ਰੋਗਰਾਮ – ਹਰ ਸਾਲ ਸੰਮੇਲਨ ਨੂੰ ਰੰਗਾਰੰਗ ਬਨਾਉਣ ਵਿਚ ਬੱਚਿਆਂ ਦਾ ਬਹੁਤ ਵੱਡਾ ਯੋਗਦਾਨ ਹੁੰਦਾ ਹੈ. ਇਹ ਲਗਾਤਾਰ ਪ੍ਰੈਕਟਿਸ ਕਰਦੇ ਹਨ ਅਤੇ ਇਸ ਦਿਨ ਦਾ ਬੇਸਬਰੀ ਨਾਲ ਇੰਤਜਾਰ ਕਰਦੇ ਹਨ ਕਿ ਇਹਨਾਂ ਨੂੰ ਆਪਣੀ ਕਾਬਲੀਅਤ ਦਿਖਾਉਣ ਦਾ ਮੌਕਾ ਮਿਲੇ. ਇਸ ਵਾਰ ਦੇ ਸੰਮੇਲਨ ‘ਚ ਬੇਬੀ ਸ਼ਿਰੀਨ ਨੇ ਸਭ ਤੋਂ ਪਹਿਲਾਂ ਸਰਵਸਤੀ ਵੰਦਨਾ ਪੇਸ਼ ਕੀਤੀ. ਇਸ ਤੋਂ ਬਾਅਦ ਡਾਂਸ ਦੀਆਂ ਆਈਟਮਾਂ ਪੇਸ਼ ਕੀਤੀਆਂ. ਅੰਮ੍ਰਿਤਸਰ ਤੋਂ ਮਾਸਟਰ ਕੁਲਪ੍ਰੀਤ ਸਿੰਘ ਨੇ ਡਾਂਸ ਨਾਲ ਸਾਰਿਆਂ ਦਾ ਦਿਲ ਜਿੱਤ ਲਿਆ. ਰਿਦਿਮਾ ਨੇ ਵੀ ਡਾਂਸ ਨਾਲ ਸਾਰਿਆਂ ਨੂੰ ਤਾੜੀਆਂ ਵਜਾਉਣ ਲਈ ਮਜਬੂਰ ਕਰ ਦਿੱਤਾ. ਬੇਬੀ ਨੇਹਾ ਨੇ ਕਵਿਤਾ ਸੁਣਾਈ. ਸ਼ਿਰੀਨ, ਹੈਂਡਸਮ ਕਸ਼ਯਪ ਅਤੇ ਇਹਨਾਂ ਦੀ ਟੀਮ ਨੇ ਧੀਆਂ ਬਾਰੇ ਨਾਟਕ ਪੇਸ਼ ਕਰਕੇ ਸਾਰਿਆਂ ਨੂੰ ਪ੍ਰਭਾਵਿਤ ਕੀਤਾ. ਮਾਸਟਰ ਰੋਬਿਨ, ਰਿਯਾਂਸ਼ ਨੇ ਵੀ ਡਾਂਸ ਨਾਲ ਸਾਰਿਆਂ ਦਾ ਦਿਲ ਜਿੱਤ ਲਿਆ. ਮੁੱਖ ਮਹਿਮਾਨ ਅਤੇ ਵਿਸ਼ੇਸ਼ ਮਹਿਮਾਨਾਂ ਨੇ ਇਹਨਾਂ ਸਾਰਿਆਂ ਨੂੰ ਸਨਮਾਨਤ ਕੀਤਾ. ਇਸੇ ਦੌਰਾਨ ਜਾਦੂਗਰ ਪ੍ਰਮੋਦ ਕੁਮਾਰ ਨੇ ਵੀ ਆਪਣੀ ਕਲਾਕਾਰੀ ਨਾਲ ਸਾਰਿਆਂ ਨੂੰ ਪ੍ਰਭਾਵਿਤ ਕੀਤਾ.
![](https://www.kashyaprajput.com/wp-content/uploads/2021/01/IMG_8924.jpg)
![](https://www.kashyaprajput.com/wp-content/uploads/2021/01/IMG_9008.jpg)
![](https://www.kashyaprajput.com/wp-content/uploads/2021/01/IMG_9075.jpg)
![](https://www.kashyaprajput.com/wp-content/uploads/2021/01/IMG_9087.jpg)
![](https://www.kashyaprajput.com/wp-content/uploads/2021/01/DSC_5320.jpg)
![](https://www.kashyaprajput.com/wp-content/uploads/2021/01/Untitled-1.jpg)
ਕਰਮਾ ਦੀ ਟੀਮ ਵੱਲੋਂ ਸਹਿਯੋਗ
ਕੋਈ ਵੀ ਪ੍ਰੋਗਰਾਮ ਸਫਲ ਕਰਨ ਵਾਸਤੇ ਇਕ ਟੀਮ ਦੀ ਬਹੁਤ ਜਰੂਰਤ ਹੁੰਦੀ ਹੈ. ਕਰਮਾ ਨੂੰ ਇਸ ਗੱਲ ਦਾ ਬਹੁਤ ਮਾਣ ਹੈ ਕਿ ਉਹਨਾਂ ਕੋਲ ਇਕ ਬਹੁਤ ਹੀ ਸੂਝਵਾਨ, ਮਜਬੂਤ ਅਤੇ ਚੰਗੀ ਟੀਮ ਹੈ ਜਿਹੜੀ ਆਪਣਾ ਆਪਣਾ ਕੰਮ ਬਹੁਤ ਹੀ ਜਿੰਮੇਵਾਰੀ ਨਾਲ ਨਿਭਾਉਂਦੀ ਹੈ. ਹਰ ਮੈਂਬਰ ਆਪਣੀ ਡਿਊਟੀ ਸਹੀ ਢੰਗ ਨਾਲ ਨਿਭਾਉਂਦਾ ਹੈ ਤਾਂ ਜੋ ਸੰਮੇਲਨ ‘ਚ ਆਉਣ ਵਾਲੇ ਹਰ ਮਹਿਮਾਨ ਨੂੰ ਮਾਣ-ਸਨਮਾਨ ਮਿਲ ਸਕੇ ਅਤੇ ਪਰਿਵਾਰ ਸੰਮੇਲਨ ਕਾਮਯਾਬ ਹੋ ਸਕੇ. ਆਏ ਹੋਏ ਮਹਿਮਾਨਾਂ ਦੀ ਰਜਿਸਟ੍ਰੇਸ਼ਨ ਦੀ ਜਿੰਮੇਵਾਰੀ ਸ. ਜਸਵਿੰਦਰ ਸਿੰਘ, ਅਨਿਲ ਕੁਮਾਰ, ਲੱਕੀ ਸੰਸੋਆ, ਰਾਜ ਕੁਮਾਰ, ਰਾਹੁਲ ਕੁਮਾਰ ਅਤੇ ਰਿਸ਼ਤਿਆਂ ਬਾਰੇ ਰਜਿਸਟ੍ਰੇਸ਼ਨ ਦੀ ਜਿੰਮੇਵਾਰੀ ਸ਼੍ਰੀਮਤੀ ਗੁਲਸ਼ਨ ਕੌਰ ਅਤੇ ਉਹਨਾਂ ਦੀ ਟੀਮ ਨੇ ਸੰਭਾਲੀ ਹੋਈ ਸੀ. ਕੈਟਰਿੰਗ ਦੀ ਸਾਰੀ ਜਿੰਮੇਵਾਰੀ ਸ਼੍ਰੀ ਸੁਸ਼ੀਲ ਕਸ਼ਯਪ, ਵਿਜੇ ਕੁਮਾਰ, ਅਮਰੀਕ ਸਿੰਘ ਮੰਨੀ ਅਤੇ ਸ. ਜਗਦੀਸ਼ ਸਿੰਘ ਲਾਟੀ ਸੰਭਾਲਦੇ ਹਨ. ਲੇਡੀਜ਼ ਵਿੰਗ ਵੱਲੋਂ ਸ਼੍ਰੀਮਤੀ ਮੀਨਾਕਸ਼ੀ ਕਸ਼ਯਪ, ਕਿਰਨ, ਵੀਨਾ, ਸੁਜਾਤਾ, ਬਲਜੀਤ ਕੌਰ, ਰੇਖਾ ਆਦਿ ਮਹਿਮਾਨਾਂ ਦਾ ਸਵਾਗਤ ਅਤੇ ਲੇਡੀਜ਼ ਦੀ ਜਿੰਮੇਵਾਰੀ ਸੰਭਾਲਦੇ ਹਨ. ਸਾਉਂਡ ਅਤੇ ਸਕਰੀਨ ਦੀ ਜਿੰਮੇਵਾਰੀ ਸ਼ੁਰੂ ਤੋਂ ਹੀ ਸ਼੍ਰੀ ਅਜੇ ਕੁਮਾਰ (ਬਿੱਲਾ ਲਾਈਟ ਐਂਡ ਸਾਉਂਡ) ਵਾਲੇ ਨਿਭਾਉਂਦੇ ਆ ਰਹੇ ਹਨ. ਫੋਟੋਗ੍ਰਾਫੀ ਅਤੇ ਵੀਡੀਓ ਬਨਾਉਣ ਦੀ ਸੇਵਾ ਸ਼ੁਰੂ ਤੋਂ ਹੀ ਬਲਵੰਤ ਸਟੂਡੀਓ ਸ਼ਾਮ ਚੁਰਾਸੀ ਅਤੇ ਐਸ.ਵਾਲੀਆ ਸਟੂਡੀਓ ਗੁਰਾਇਆ ਵਾਲੇ ਨਿਭਾ ਰਹੇ ਹਨ ਅਤੇ ਹੁਣ ਪਿਛਲੇ ਦੋ ਸਾਲਾਂ ਤੋਂ ਸ਼੍ਰੀ ਰਵੀ ਕੁਮਾਰ ਬਮੋਤਰਾ ਜੀ ਇਸ ਟੀਮ ਦਾ ਹਿੱਸਾ ਬਣ ਚੁੱਕੇ ਹਨ. ਪਿਛਲੇ ਕਈ ਸਾਲਾਂ ਤੋਂ ਮਹਿਮਾਨਾਂ ਨੂੰ ਸਵਾਦਸ਼ਿਟ ਖਾਣਾ ਖਿਲਾਉਣ ਦੀ ਜਿੰਮੇਵਾਰੀ ਸ਼ਹਿਰ ਦੇ ਮਸ਼ਹੂਰ ਕੈਟਰਰ ਸ਼੍ਰੀ ਜਤਿੰਦਰ ਕੁਮਾਰ ਹੈਪੀ ਜੀ ਸੰਭਾਲਦੇ ਹਨ. ਸਟੇਜ ਸੰਚਾਲਨ ਇਕ ਬਹੁਤ ਵੱਡੀ ਜਿੰਮੇਵਾਰੀ ਹੁੰਦੀ ਹੈ ਜਿਸਨੂੰ ਪਿਛਲੇ ਕਈ ਸਾਲਾਂ ਤੋਂ ਪ੍ਰੋ. ਰਾਮ ਲੁਭਾਇਆ ਬੱਲ ਅਤੇ ਉਹਨਾਂ ਦੇ ਨਾਲ ਸ਼੍ਰੀ ਅਸ਼ੋਕ ਟਾਂਡੀ ਜੀ ਸੰਭਾਲਦੇ ਹਨ. ਇਹਨਾਂ ਸਾਰੇ ਮੋਤੀਆਂ ਨੂੰ ਇਕ ਮਾਲਾ ‘ਚ ਪਿਰੋਣ ਵਾਲਾ ਧਾਗਾ ਹੀ ਉਹ ਸੂਤਰ ਹੈ ਜਿਸ ਨਾਲ ਇਸ ਮਾਲਾ ਦੀ ਸ਼ਾਨ ਹੈ ਅਤੇ ਸਮਾਜ ਨੂੰ ਇਕੱਠੇ ਕਰਨ ਵਾਲੀ ਉਹ ਮਹਾਨ ਸ਼ਖਸ਼ੀਅਤ ਕਸ਼ਯਪ ਕ੍ਰਾਂਤੀ ਦੇ ਪ੍ਰਮੁੱਖ ਸ਼੍ਰੀ ਨਰਿੰਦਰ ਕਸ਼ਯਪ ਹਨ ਜਿਹਨਾਂ ਨੇ ਆਪਣੀ ਉਚੀ ਅਤੇ ਵੱਡੀ ਸੋਚ ਨਾਲ ਅਜਿਹੇ ਪਰਿਵਾਰ ਸੰਮੇਲਨ ਕਰਵਾਉਣ ਦੀ ਜਿੰਮੇਵਾਰੀ ਚੁੱਕੀ ਸੀ. ਇਹਨਾਂ ਦਾ ਸਾਥ ਸ਼੍ਰੀਮਤੀ ਮੀਨਾਕਸ਼ੀ ਕਸ਼ਯਪ ਜੀ ਬਾਖੂਬੀ ਨਿਭਾ ਰਹੇ ਹਨ. ਇਸ ਤੋਂ ਅਲਾਵਾ ਇਕ ਹੋਰ ਟੀਮ ਵੀ ਹੁੰਦੀ ਹੈ ਜਿਹੜੀ ਪਰਦੇ ਪਿੱਛੇ ਰਹਿ ਕੇ ਕੰਮ ਕਰਦੀ ਹੈ ਅਤੇ ਉਹ ਸਾਮ੍ਹਣੇ ਨਹੀਂ ਆਉਂਦੀ. ਇਸ ਟੀਮ ਵਿਚ ਬੱਚਿਆਂ ਦੀ ਤਿਆਰੀ ਕਰਵਾਉਣ ਵਾਲੇ ਸ਼੍ਰੀ ਸੁਜਾਤਾ ਜੀ ਦਾ ਨਾਮ ਪ੍ਰਮੁੱਖ ਹੈ. ਹਰ ਸ਼ਹਿਰ ‘ਚ ਵੱਖ-ਵੱਖ ਸਾਥੀ ਕੰਮ ਕਰਦੇ ਹਨ ਜਿਨ੍ਹਾਂ ਦਾ ਨਾਮ ਨਾ ਲਿਖਦੇ ਹੋਏ ਅਸੀਂ ਉਹਨਾਂ ਸਾਰਿਆਂ ਦਾ ਧੰਨਵਾਦ ਕਰਦੇ ਹਾਂ ਜਿਹੜੇ ਪ੍ਰੋਗਰਾਮ ਨੂੰ ਕਾਮਯਾਬ ਬਨਾਉਣ ਲਈ ਦਿਨ-ਰਾਤ ਮਿਹਨਤ ਕਰਦੇ ਹਨ ਅਤੇ ਸਮਾਜ ਨੂੰ ਆਪਸ ‘ਚ ਜੋੜਦੇ ਹਨ.
ਦੁਪਹਿਰ ਤੱਕ ਇਹ ਪ੍ਰੋਗਰਾਮ ਚੱਲਦਾ ਰਿਹਾ ਅਤੇ ਇਸ ਦੌਰਾਨ ਆਏ ਹੋਏ ਵੱਖ-ਵੱਖ ਸਮਾਜ ਦੇ ਪਤਵੰਤੇ ਸਾਥੀਆਂ ਨੇ ਆਪਣੇ ਵਿਚਾਰ ਪੇਸ਼ ਕੀਤੇ. ਸ਼੍ਰੀ ਕਿਰਨਪਾਲ ਕਸ਼ਯਪ, ਸ. ਨਿਰਮਲ ਸਿੰਘ ਐਸ.ਐਸ., ਡਾ. ਮਨਮੋਨਹਨ ਸਿੰਘ ਭਾਗੋਵਾਲੀਆ, ਪ੍ਰਿੰਸੀਪਲ ਕੁਲਵੀਰ ਚੰਦ, ਮੁੱਖ ਮਹਿਮਾਨ ਸ਼੍ਰੀ ਓਮ ਭਾਰਦਵਾਜ ਅਤੇ ਸ਼੍ਰੀ ਸੁਖਦੇਵ ਕੋਮਲ ਨੇ ਆਪਣੇ ਵਿਚਾਰ ਪੇਸ਼ ਕੀਤੇ ਅਤੇ ਸਮਾਜ ਨੂੰ ਇਕ ਪਲੇਟਫਾਰਮ ਉਤੇ ਇਕੱਠੇ ਹੋਣ ਲਈ ਅਪੀਲ ਕੀਤੀ. ਆਏ ਹੋਏ ਵਿਸ਼ੇਸ਼ ਮਹਿਮਾਨਾਂ ਅਤੇ ਸਭਾਵਾਂ ਨੂੰ ਸੰਮੇਲਨ ਦਾ ਯਾਦਗਾਰੀ ਚਿੰਨ੍ਹ ਦੇ ਕੇ ਸਨਮਾਨਤ ਕੀਤਾ ਗਿਆ. ਇਸ ਦੌਰਾਨ ਸਾਰੇ ਮਹਿਮਾਨਾਂ ਨੇ ਗਰਮਾ-ਗਰਮ ਸੁਆਦਿਸ਼ਟ ਖਾਣੇ ਅਤੇ ਠੰਡੀ ਆਈਸ ਕ੍ਰੀਮ ਦਾ ਅਨੰਦ ਲਿਆ ਅਤੇ ਦੁਬਾਰਾ ਹਾਲ ਵਿਚ ਆ ਗਏ. ਸਵੇਰ ਦੇ ਸਮੇਂ ਮਹਿਮਾਨਾਂ ਵਾਸਤੇ ਨਾਸ਼ਤਾ ਅਤੇ ਗਰਮਾ-ਗਰਮ ਕੌਫੀ ਦਾ ਪ੍ਰਬੰਧ ਸੀ. ਇਸ ਤੋਂ ਬਾਅਦ ਫਿਰ ਪਰਿਵਾਰਾਂ ਦੀ ਆਪਸੀ ਜਾਣ-ਪਛਾਣ ਦਾ ਸਿਲਸਿਲਾ ਚੱਲਦਾ ਰਿਹਾ. ਇਸ ਦੌਰਾਨ ਲੇਡੀਜ਼ ਵਿੰਗ ਵੱਲੋਂ ਸ਼੍ਰੀਮਤੀ ਸੁਜਾਤਾ, ਬਲਜੀਤ ਕੌਰ, ਚਰਨਜੀਤ ਕੌਰ ਅਤੇ ਬੀਬੀ ਸੁਰਜੀਤ ਕੌਰ ਨੇ ਆਪਣੇ ਵਿਚਾਰ ਪੇਸ਼ ਕੀਤੇ. ਇਹਨਾਂ ਕਿਹਾ ਕਿ ਸਮਾਜ ਦੀਆਂ ਔਰਤਾਂ ਨੂੰ ਅੱਗੇ ਆ ਕੇ ਜਿੰਮੇਵਾਰੀ ਸੰਭਾਲਣੀ ਚਾਹੀਦੀ ਹੈ. ਆਉਣ ਵਾਲੇ ਸਮੇਂ ਹੋਰ ਵੀ ਮਾਤਾਵਾਂ – ਭੈਣਾਂ ਇਸ ਪ੍ਰੋਗਰਾਮ ‘ਚ ਸ਼ਾਮਲ ਹੋਣ ਅਤੇ ਵਿਚਾਰ ਪੇਸ਼ ਕਰਨ ਤਾਂ ਜੋ ਸਮਾਜ ਦੀਆਂ ਗ੍ਰਹਿਣੀਆਂ ਘਰ ਦੀ ਚਾਰ ਦੀਵਾਰੀ ਤੋਂ ਬਾਹਰ ਆ ਕੇ ਔਰਤਾਂ ਦੇ ਹੱਕਾਂ ਦੀ ਗੱਲ ਕਰਨ ਅਤੇ ਮਰਦਾਂ ਦੇ ਬਰਾਬਰ ਖੜੇ ਹੋ ਕੇ ਸਮਾਜ ਨੂੰ ਅੱਗੇ ਚਲਾਉਣ ਵਿਚ ਸਹਾਈ ਹੋਣ.
![](https://www.kashyaprajput.com/wp-content/uploads/2021/01/24.jpg)
Sh. Sukhdev Komal
![](https://www.kashyaprajput.com/wp-content/uploads/2021/01/25.jpg)
Sh. Om Bhardwaj
![](https://www.kashyaprajput.com/wp-content/uploads/2021/01/26.jpg)
Sh. Kiranpal Kashyap
![](https://www.kashyaprajput.com/wp-content/uploads/2021/01/27.jpg)
S. Nirmal Singh
![](https://www.kashyaprajput.com/wp-content/uploads/2021/01/28.jpg)
Smt. Sujata Bamotra
![](https://www.kashyaprajput.com/wp-content/uploads/2021/01/29.jpg)
Smt. Baljeet Kaur
ਅਖੀਰ ‘ਚ ਸ਼੍ਰੀ ਨਰਿੰਦਰ ਕਸ਼ਯਪ ਜੀ ਨੇ ਆਏ ਹੋਏ ਸਾਰੇ ਮਹਿਮਾਨਾਂ ਦਾ ਧੰਨਵਾਦ ਕੀਤਾ ਅਤੇ ਕਿਹਾ ਕਿ ਕਰਮਾ ਦੀ ਟੀਮ ਵੱਲੋਂ ਕੋਸ਼ਿਸ਼ ਕੀਤੀ ਜਾਂਦੀ ਹੈ ਕਿ ਹਰ ਸੰਮੇਲਨ ਵਧੀਆ ਢੰਗ ਨਾਲ ਕਰਵਾਇਆ ਜਾਏ ਅਤੇ ਹਰ ਪਰਿਵਾਰ ਨੂੰ ਸਟੇਜ ‘ਤੇ ਬੁਲਾ ਕੇ ਉਹਨਾਂ ਦੀ ਜਾਣ-ਪਛਾਣ ਕਰਵਾਈ ਜਾਏ, ਪਰ ਸਮੇਂ ਦੀ ਕਮੀ ਹੋਣ ਕਰਕੇ ਇਸ ਤਰ੍ਹਾਂ ਹੁੰਦਾ ਨਹੀਂ ਹੈ, ਜਿਸਦੇ ਲਈ ਉਹ ਬਾਕੀ ਪਰਿਵਾਰਾਂ ਕੋਲੋਂ ਮੁਆਫੀ ਚਾਹੁੰਦੇ ਹਨ. ਸਾਰੇ ਪਰਿਵਾਰਾਂ ਨੂੰ ਅਪੀਲ ਕਰਦੇ ਹਾਂ ਕਿ ਉਹ ਸਮੇਂ ਸਿਰ ਆਉਣ ਤਾਂ ਜੋ ਸਾਰਿਆਂ ਨੂੰ ਮੌਕਾ ਮਿਲ ਸਕੇ ਅਤੇ ਸਾਰਿਆਂ ਦੀ ਜਾਣ-ਪਛਾਣ ਕਰਵਾਈ ਜਾ ਸਕੇ. ਦੂਸਰਾ ਹਰ ਪਰਿਵਾਰ ਨੂੰ ਅਪੀਲ ਹੈ ਕਿ ਉਹ ਸੰਮੇਲਨ ਦੇ ਲਈ ਥੋੜਾ-ਬਹੁਤ ਸਹਿਯੋਗ ਜਰੂਰ ਕਰਨ ਤਾਂ ਜੋ ਇਹ ਸੰਮੇਲਨ ਲਗਾਤਾਰ ਹੁੰਦੇ ਰਹਿਣ ਅਤੇ ਸਮਾਜ ਨੂੰ ਇਕ ਪਲੇਟਫਾਰਮ ਮਿਲ ਸਕੇ.
ਕਰਮਾ ਟੀਮ ਨੇ ਮਨਾਈ ਨਰਿੰਦਰ ਕਸ਼ਯਪ ਅਤੇ ਮੀਨਾਕਸ਼ੀ ਕਸ਼ਯਪ ਦੇ ਵਿਆਹ ਦੀ ਵਰੇਗੰਢ
ਅੱਜ ਦੇ ਦਿਨ ਹੀ ਕਸ਼ਯਪ ਕ੍ਰਾਂਤੀ ਦੇ ਮੁੱਖ ਸੰਪਾਦਕ ਅਤੇ ਮਾਲਕ ਸ਼੍ਰੀਮਤੀ ਮੀਨਾਕਸ਼ੀ ਕਸ਼ਯਪ ਅਤੇ ਸ਼੍ਰੀਮਤੀ ਮੀਨਾਕਸ਼ੀ ਕਸ਼ਯਪ ਦੇ ਵਿਆਹ ਦੀ 17ਵੀਂ ਵਰੇਗੰਢ ਸੀ. ਇਸ ਮੌਕੇ ਨੂੰ ਹੋਰ ਯਾਦਗਾਰ ਬਨਾਉਣ ਲਈ ਕਸ਼ਯਪ ਰਾਜਪੂਤ ਮੈਂਬਰਸ ਐਸੋਸੀਏਸ਼ਨ (ਕਰਮਾ) ਅਤੇ ਕਸ਼ਯਪ ਕ੍ਰਾਂਤੀ ਦੀ ਟੀਮ ਨੇ ਪਹਿਲਾਂ ਹੀ ਸਰਪ੍ਰਾਈਜ਼ ਦੇਣ ਲਈ ਕੇਕ ਮੰਗਵਾਇਆ ਹੋਇਆ ਸੀ। ਸੰਮੇਲਨ ਦੀ ਸਮਾਪਤੀ ਤੋਂ ਉਪਰੰਤ ਸਾਰੀ ਟੀਮ ਨੇ ਕਿਹਾ ਕਿ ਮੈਰਿਜ ਐਨੀਵਰਸਰੀ ਦਾ ਕੇਕ ਇਥੇ ਹੀ ਕੱਟਿਆ ਜਾਵੇ ਅਤੇ ਇਸ ਮੌਕੇ ਦੀ ਪਾਰਟੀ ਕੀਤੀ ਜਾਵੇ। ਸਾਰੀ ਟੀਮ ਦੀ ਹਾਜਰੀ ਵਿਚ ਸ਼੍ਰੀ ਨਰਿੰਦਰ ਕਸ਼ਯਪ ਅਤੇ ਸ਼੍ਰੀਮਤੀ ਮੀਨਾਕਸ਼ੀ ਕਸ਼ਯਪ ਨੇ 17ਵੀਂ ਮੈਰਿਜ ਐਨੀਵਰਸਰੀ ਦਾ ਕੇਕ ਕੱਟਿਆ। ਇਕ ਦੂਸਰੇ ਦਾ ਮੂੰਹ ਮਿੱਠਾ ਕਰਵਾਇਆ ਗਿਆ ਅਤੇ ਸਾਰੀ ਟੀਮ ਨੇ ਤਾਲੀਆਂ ਵਜਾ ਕੇ ਇਸ ਮੌਕੇ ਦਾ ਸਵਾਗਤ ਕੀਤਾ। ਖੁਸ਼ੀ ਦੇ ਇਸ ਮੌਕੇ ਸਾਰੀ ਟੀਮ ਨੇ ਡਾਂਸ ਕਰਕੇ ਇਸ ਮੌਕੇ ਨੂੰ ਹੋਰ ਵੀ ਚਾਰ ਚੰਨ ਲਗਾ ਦਿੱਤੇ। ਸਾਰੀ ਟੀਮ ਨੇ ਮੂੰਹ ਮਿੱਠਾ ਕੀਤਾ ਅਤੇ ਆਪਣੇ ਟੀਮ ਲੀਡਰ ਨੂੰ ਵਧਾਈਆਂ ਦਿੱਤੀਆਂ। ਇਹਨਾਂ ਯਾਦਗਾਰ ਪਲਾਂ ਦੇ ਨਾਲ ਹੀ 11ਵਾਂ ਪਰਿਵਾਰ ਸੰਮੇਲਨ ਬੜੇ ਹੀ ਖੁਸ਼ੀ ਦੇ ਮਾਹੌਲ ਵਿਚ ਸੰਪੂਰਨ ਹੋਇਆ।
![](https://www.kashyaprajput.com/wp-content/uploads/2021/01/34.jpg)
![](https://www.kashyaprajput.com/wp-content/uploads/2021/01/33.jpg)