ਇਹ ਰਕਮ ਸ਼੍ਰੀ ਨਰਿੰਦਰ ਕਸ਼ਯਪ ਜੀ ਪਾਸ ਜਮਾਂ ਕਰਵਾਈ ਗਈ ਅਤੇ ਬੈਂਕ ਅਕਾਉਂਟ ਖੋਲਣ ਲਈ ਕਿਹਾ ਗਿਆ। ਅਗਲੇ ਦਿਨ ਸ. ਅਮਰਜੀਤ ਸਿੰਘ, ਸ਼੍ਰੀ ਨਰਿੰਦਰ ਕਸ਼ਯਪ ਅਤੇ ਸ. ਤਰਲੋਚਨ ਸਿੰਘ ਬੈਂਕ ਵਿਚ ਖਾਤਾ ਖੋਲਣ ਲਈ ਗਏ। ਬੈਂਕ ਵਾਲੇ ਕਹਿੰਦੇ ਕਿ ਤੁਸੀਂ ਇਸਦਾ ਬਚਤ ਖਾਤਾ ਤਿੰਨ ਮੈਂਬਰਾਂ ਦੇ ਨਾਮ ਤੇ ਖੋਲ ਸਕਦੇ ਹੋ, ਸੁਸਾਇਟੀ ਜਾਂ ਜਠੇਰਿਆਂ ਦੇ ਨਾਮ ਤੇ ਅਕਾਉਂਟ ਨਹੀਂ ਖੁਲਣਾ। ਜੇ ਜਠੇਰਿਆਂ ਦੇ ਨਾਮ ਤੇ ਖਾਤਾ ਖੋਲਣਾ ਹੈ ਤਾਂ ਤੁਹਾਨੂੰ ਸੁਸਾਇਟੀ ਰਜਿਸਟਰ ਕਰਵਾਉਣੀ ਹੋਵੇਗੀ। 2 ਜੂਨ 2014 ਨੂੰ ਅਮਰਜੀਤ ਸਿੰਘ ਦੇ ਘਰ ਮੀਟਿੰਗ ਹੋਈ ਅਤੇ ਸੁਸਾਇਟੀ ਬਨਾਉਣ ਬਾਰੇ ਵਿਚਾਰ ਵਟਾਂਦਰਾ ਕੀਤਾ ਗਿਆ। ਸਾਰੇ ਮੈਂਬਰਾਂ ਨੇ ਅਗਲੀ ਮੀਟਿੰਗ ਬੁਲਾ ਕੇ ਕਮੇਟੀ ਮੈਂਬਰ ਚੁਣਨ ਲਈ ਕਿਹਾ।
ਇਸ ਤੋਂ ਅਗਲੀ ਮੀਟਿੰਗ 5 ਅਗਸਤ 2014 ਨੂੰ ਸ਼੍ਰੀ ਨਰਿੰਦਰ ਕਸ਼ਯਪ ਦੇ ਘਰ ਮੈਂਬਰਾਂ ਦੀ ਮੀਟਿੰਗ ਹੋਈ ਅਤੇ ਸੁਸਾਇਟੀ ਨੂੰ ਰਜਿਸਟਰਡ ਕਰਵਾਉਣ ਲਈ ਕਿਹਾ ਗਿਆ। ਇਸ ਮੀਟਿੰਗ ਦੌਰਾਨ ਸ. ਅਮਰਜੀਤ ਸਿੰਘ ਨੂੰ ਪ੍ਰਧਾਨ ਚੁਣਿਆ ਗਿਆ। ਸ਼੍ਰੀ ਨਰਿੰਦਰ ਕਸ਼ਯਪ ਨੂੰ ਜਨਰਲ ਸੈਕਟਰੀ ਅਤੇ ਜਸਵਿੰਦਰ ਸਿੰਘ ਨੂੰ ਕੈਸ਼ੀਅਰ ਚੁਣਿਆ ਗਿਆ।
ਇਸ ਤੋਂ ਅਗਲੀ ਮੀਟਿੰਗ 2015 ਦੇ ਮੇਲੇ ਤੋਂ ਬਾਅਦ 19-4-2015 ਨੁੂੰ ਸ਼੍ਰੀ ਨਰਿੰਦਰ ਕਸ਼ਯਪ ਦੇ ਨਿਵਾਸ ਅਸਥਾਨ ਜਲੰਧਰ ਵਿਖੇ ਹੋਈ। ਇਸ ਮੀਟਿੰਗ ਵਿਚ ਸੁਸਾਇਟੀ ਨੁੂੰ ਰਜਿਸਟਰਡ ਕਰਵਾਉਣ ਲਈ ਫੈਸਲਾ ਹੋਇਆ। ਇਸ ਮੌਕੇ ਸ਼੍ਰੀ ਪਾਲ ਬੜਗੋਤਾ ਅਮਰੀਕਾ ਵਾਲੇ ਨੇ 15200/-, ਮੋਹਨ ਲਾਲ ਹੁਸ਼ਿਆਰਪੁਰ ਨੇ 500/-, ਨਰਿੰਦਰ ਕਸ਼ਯਪ ਨੇ 3100/- ਅਤੇ ਅਮਰਜੀਤ ਸਿੰਘ ਨੇ 5100/- ਜਠੇਰਿਆਂ ਦੇ ਅਸਥਾਨ ਵਾਸਤੇ ਦਿੱਤੇ। ਪਿਛਲੇ 17000/- ਅਤੇ ਇਸ ਦਿਨ ਦੇ 23900/- ਮਿਲਾ ਕੇ 40900/- ਜਮਾਂ ਹੋ ਗਏ। ਇਸ ਤੋਂ ਬਾਅਦ ਸੁਸਾਇਟੀ ਨੂੰ ਰਜਿਸਟਰ ਕਰਵਾਉਣ ਦੀ ਕਾਰਵਾਈ ਸ਼ੁਰੂ ਹੋਈ। ਸ਼ੁਰੂਆਤੀ ਮੈਂਬਰਾਂ ਸ. ਅਮਰਜੀਤ ਸਿੰਘ, ਸ਼੍ਰੀ ਨਰਿੰਦਰ ਕਸ਼ਯਪ, ਸ. ਜਸਵਿੰਦਰ ਸਿੰਘ, ਸ. ਤਰਲੋਚਨ ਸਿੰਘ ਨੇ ਸਾਰਾ ਖਰਚ ਆਪਣੇ ਕੋਲੋਂ ਕਰਕੇ ਸੁਸਾਇਟੀ ਰਜਿਸਟਰ ਕਰਵਾਈ। 24 ਅਪ੍ਰੈਲ 2015 ਨੂੰ ਸੁਸਾਇਟੀ ਰਜਿਸਟਰਡ ਹੋਈ। ਸੁਸਾਇਟੀ ਦੇ ਪਹਿਲੇ ਪ੍ਰਧਾਨ ਸ. ਅਮਰਜੀਤ ਸਿੰਘ ਬੜਗੋਤਾ, ਜਨਰਲ ਸੈਕਟਰੀ ਸ਼੍ਰੀ ਨਰਿੰਦਰ ਕਸ਼ਯਪ, ਕੈਸ਼ੀਅਰ ਸ. ਜਸਵਿੰਦਰ ਸਿੰਘ, ਵਾਈਸ ਪ੍ਰਧਾਨ ਸ. ਤਰਲੋਚਨ ਸਿੰਘ, ਸੈਕਟਰੀ ਚਰਨਜੀਤ ਸਿੰਘ ਗਰਚਾ, ਆਡੀਟਰ ਮੋਹਣ ਲਾਲ ਹੁਸ਼ਿਆਰਪੁਰ, ਮੀਡੀਆ ਇੰਚਾਰਜ ਸ਼੍ਰੀਮਤੀ ਮੀਨਾਕਸ਼ੀ ਕਸ਼ਯਪ ਅਤੇ ਪ੍ਰਚਾਰ ਸੈਕਟਰੀ ਸ. ਬਲਬੀਰ ਸਿੰਘ ਬਣੇ। ਸੁਸਾਇਟੀ ਦੇ ਸ਼ੁਰੂਆਤੀ ਮੈਂਬਰਾਂ ਨੇ 11000/- ਜਠੇਰਿਆਂ ਦੀ ਜਮੀਨ ਵਾਸਤੇ ਦੇਣ ਦਾ ਐਲਾਨ ਕੀਤਾ। ਇਸ ਤੋਂ ਬਾਅਦ 6 ਮਈ 2015 ਨੂੰ ਕਸ਼ਯਪ ਰਾਜਪੂਤ ਬੜਗੋਤਾ ਵੈਲਫੇਅਰ ਸੁਸਾਇਟੀ ਦੇ ਨਾਮ ਤੇ ਪੰਜਾਬ ਨੈਸ਼ਨਲ ਬੈਂਕ ਵਿਚ 41000/- ਨਾਲ ਖਾਤਾ ਖੁਲਵਾਇਆ ਗਿਆ, ਜਿਸ ਨੂੰ ਪ੍ਰਧਾਨ, ਜਨਰਲ ਸੈਕਟਰੀ ਅਤੇ ਕੈਸ਼ੀਅਰ ਮਿਲ ਕੇ ਚਲਾਉਣਗੇ। ਇਸ ਤੋਂ ਬਾਅਦ ਸਾਰੀ ਸੰਗਤ ਦੇ ਸਹਿਯੋਗ ਨਾਲ ਹਰ ਸਾਲ ਪੈਸੇ ਜਮਾਂ ਕਰਨੇ ਸ਼ੁਰੂ ਕੀਤੇ ਗਏ ਅਤੇ 2019 ਵਿਚ ਜਮੀਨ ਦਾ ਬਿਆਨਾ ਕੀਤਾ ਗਿਆ, ਜਿਸਦਾ ਸੌਦਾ ਕਰਵਾਉਣ ਲਈ ਮੌਜੂਦਾ ਪ੍ਰਧਾਨ ਰਜਿੰਦਰ ਕੁਮਾਰ ਦਾ ਵੱਡਾ ਯੋਗਦਾਨ ਰਿਹਾ। 16 ਅਗਸਤ 2019 ਨੂੰ 20 ਮਰਲੇ ਜਮੀਨ ਦੀ ਰਜਿਸਟਰੀ ਜਠੇਰਿਆਂ ਦੀ ਕਮੇਟੀ ਨਾਲ ਤੇ ਕਰਵਾਈ ਗਈ। ਇਸ ਦੌਰਾਨ ਸ਼੍ਰੀ ਰਜਿੰਦਰ ਕੁਮਾਰ ਨੂੰ ਪ੍ਰਧਾਨ ਬਣਾਇਆ ਗਿਆ ਅਤੇ ਨਵੇਂ ਕਮੇਟੀ ਮੈਂਬਰ ਚੁਣੇ ਗਏ। ਸੁਸਾਇਟੀ ਵੱਲੋਂ ਸੰਗਤ ਨੂੰ ਪੂਰਾ ਹਿਸਾਬ ਦਿੱਤਾ ਜਾ ਰਿਹਾ ਹੈ ਅਤੇ ਕਸ਼ਯਪ ਰਾਜਪੂਤ ਸਮਾਜ ਦੀ ਵੈਬਸਾਈਟ ਉਤੇ ਜਠੇਰਿਆਂ ਦੇ ਖਾਨੇ ਵਿਚ ਸਾਰੀ ਜਾਣਕਾਰੀ ਅੋਨਲਾਈਨ ਦਿੱਤੀ ਗਈ ਹੈ, ਜਿਸਨੂੰ ਕੋਈ ਵੀ ਮੈਂਬਰ ਕਿਤੇ ਵੀ ਚੈਕ ਕਰ ਸਕਦਾ ਹੈ।