ਇਤਿਹਾਸਿਕ ਸ਼ਹਿਰ ਅੰਮ੍ਰਿਤਸਰ ਵਿਖੇ ਕਸ਼ਯਪ ਰਾਜਪੂਤ ਸਮਾਜ ਦੇ ਮਹਾਨ ਸ਼ਹੀਦ ਪੰਜ ਪਿਆਰਿਆਂ ਵਿਚੋਂ ਇਕ ਭਾਈ ਹਿੰਮਤ ਸਿੰਘ ਜੀ ਇਕ ਪੁਰਾਣੀ ਅਤੇ ਇਤਿਾਹਸਿਕ ਯਾਦਗਾਰ ਟਾਊਨ ਹਾਲ, ਅੰਮ੍ਰਿਤਸਰ ਵਿਖੇ ਬਣੀ ਹੋਈ ਹੈ। ਇੱਥੇ ਭਾਈ ਹਿੰਮਤ ਸਿੰਘ ਜੀ ਦੀ ਯਾਦ ਵਿਚ ਇਕ ਗੁਰਦੁਆਰਾ ਸਾਹਿਬ ਬਣਿਆ ਹੋਇਆ ਹੈ ਜਿਸਦੀ ਬਿਲਡਿੰਗ ਦੀ ਮੁੜ ਉਸਾਰੀ 9-1-2005 ਨੂੰ ਕੀਤੀ ਗਈ ਸੀ। ਕਸ਼ਯਪ ਰਾਜਪੂਤ – ਮਹਿਰਾ ਸਮਾਜ ਦੀ ਇਹ ਵਿਰਾਸਤ ਕਈ ਸਾਲਾਂ ਤੋਂ ਸਵਰਗਵਾਸੀ ਸ. ਪਿ੍ਰਤਪਾਲ ਸਿੰਘ ਸੰਭਾਲਦੇ ਰਹੇ ਅਤੇ ਗੁਰੂ ਦਾ ਪ੍ਰਕਾਸ਼ ਕਰਦੇ ਰਹੇ। ਹੁਣ ਇਥੇ ਇਕ ਰਜਿਸਟਰਡ ਸੰਸਥਾ ਬਣਾਈ ਗਈ ਹੈ ਜਿਸਦੇ ਪ੍ਰਧਾਨ ਸ. ਗੁਰਮੁਖ ਸਿੰਘ ਹਨ ਜਿਹੜੇ ਸਰਪ੍ਰਸਤ ਸ. ਕਸ਼ਮੀਰ ਸਿੰਘ (ਸਿੰਘ ਸਟੋਰ ਵਾਲੇ) ਦੀ ਅਗਵਾਈ ਹੇਠ ਇੱਥੇ ਇਕ ਸੁੰਦਰ ਗੁਰਦੁਆਰਾ ਸਾਹਿਬ ਅਤੇ ਸ਼ਰਧਾਲੂਆਂ ਵਾਸਤੇ ਇਕ ਵਧੀਆ ਧਰਮਸ਼ਾਲਾ ਦਾ ਨਿਰਮਾਣ ਸਮਾਜ ਅਤੇ ਸੰਗਤ ਦੇ ਸਹਿਯੋਗ ਨਾਲ ਕਰਵਾਉਣ ਜਾ ਰਹੇ ਹਨ।